首先北都

對於加快北都發展步伐，特首你係心急如焚，其實經民聯都係一樣。不過現時房地產市道低迷，物業估值下降，令到唔少銀行唔想做物業貸款，包括project financing，猶其是long term的。所以當務之急，係要穩住樓市，唔俾佢繼續下滑，讓銀行恢復信心。

兩天前Bloomberg有一篇相關報導，會前我已將一份交給(黃)元山。

如何穩住樓市？

經民聯的建議係：
  • 將徵收100元印花稅的物業價值由400萬元提高至600萬元，帶動成交量。
  • 放寬「新資本投資者入境計劃」對住宅物業投資的限制，將現行需購買最少5,000萬元住宅物業的門檻降至2,000萬元，甚至取消這項要求；仲有容許投資房地產獲計入符合最低投資門檻要求的總投資上限提高至1,500萬元。
  • 積極向中央爭取「物業通」，讓內地人才落戶香港時可調動內地資金來港買樓，幫助佢哋在香港落地生根。來港的資金是閉環管理的，係不會導致國家外匯流失。
當銀行見到樓市止跌回穩，就可以安心多做project financing，當然金管局亦需要多加鼓勵。

解決融資問題固然重要，但係解決市場對供應過剩的陰霾亦不容忽視。我講嘅係「明日大嶼」。這個計劃是上屆政府在 2018 年提出，填海造地 1,000 公頃，打造一個CBD3，估算工程造價5,800 億。當時政府嘅財政儲備有1.17萬億，但係今日客觀條件已經完全不同。

現時我哋已經有北都計劃，佔香港1/3土地，又有「南金融，北創科」的大佈局，在今日來講「明日大嶼」可算係明日黃花了。經民聯建議政府盡快向市場發出明確訊息，擱置「明日大嶼」，清除市場對土地供應過剩的憂慮，讓官商民集中資源心無旁騖去發展北都。

如何做到提速提效發展北都？

經民聯的建議係：
  • 盡早成立北都「招商辦」，由財政司司長或相關官員，因應企業與專才的需要和關注，作策略性聯繫和統籌招商納才的策略，將北都發展由藍圖變為現實。
  • 將現時的北都統籌辦事處升格，成為一個有能力去統籌各項政府審批、協調各部門所負責的工程進度的單一窗口，仲可以設立時限、分階段通報機制，既可加快審批速度，又可減輕政府與發展商雙方的行政與財政壓力。
完善房屋和土地政策

最後，我想講講完善房屋和土地政策，經民聯的建議係：
  • 持續拆牆鬆綁，為老舊區的居民改善生活環境，推動市區更新。
  • 推出「強積金首次置業計劃」，讓首置青年，可靈活使用其強積金供款結餘，作首次置業之用。
多謝特首。